Leggjum bílunum og tökum strætó

Það er fylgifiskur hækkunar á bensíni að fólk leggur bílnum sínum bara og tekur strætó   Hvað fær ríkið út úr því ??  Það þarf aðeins að hugsa út fyrir kassann.  Hver verða áhrifin ?  

Það einfaldlega gengur ekki að hækka allt og hækka.  Landsmenn sem greiða skatta nú þegar hafa ekki bolmagn til þess að greiða meira.  Hvorki beina né óbeina   Það er einfaldlega komið að því að skera miklu meira niður á stjórnarheimilinu eins og á öðrum heimilum í landinu.  

Þetta er keðja og hver hlekkur skiptir máli.  Þegar hlekkir veikjast þá veikist öll keðjan og jafnvel slitnar.  Það þarf að fara varlega í frekari hækkanir.    Það sem er nauðsynlegt að gera er að koma til móts við skuldara í landinu og sjá til þess að fólk hafi í sig og á út mánuðinn EFTIR að hafa klárað að greiða skuldir sínar.  Því miður heyrir maður af mýmörgum dæmum þar sem fólk á erfitt með að láta enda ná saman.   Verðtryggingin VERÐUR að fjúka, þeir sem eru á móti því lyfti upp hendi,   já einmitt hendur þeirra koma á loft sem EIGA peninga  og kæra sig ekki um að vextir og verðbætur á aurana sína minnki.  Það er skiljanlegt en...mun það ganga upp til lengdar,  ....... hmmm ??? 

 Svo það er lokalausnin - strætó / svo má líka hjóla eða ganga  

Eldsneyti myndi hækka um 15,45 krónur

Athugasemdir

[Heimir H. karlsson (IP-tala skráð) 13.7.2010 kl. 20:26]

Sæl Öllsömul.

Sæl Katrín G. E.

það vill oft gleymast, þegar rætt er um hækkanir á eldsneyti, að eldsneyti er ekki eingöngu noptað á einkabifreiðir fólks.

Öll flutningatæki, að undanskildum þeim sem notuð eru innanhúss, nota eldsneyti til að komast ferða sinna.

Flutningatæki flytja okkur nauðsynjavöru frá framleiðenda til neytenda.

Ef eldsneyti eða annar rekstarliður flutningatækja hækkar, þá hlýtur varan sem þau flytja að verða dýrari, er það ekki augljóst ?

Ekki fara gámarnir í Bónus, Hagkaup, Byko eða aðrar vörur í verslanir fótgangandi, á reiðhjóli eða með strætó ?

Kveðja,

Heimir H. Karlsson.

[Adda (IP-tala skráð) 13.7.2010 kl. 22:45]

Hvað viltu helst skera niður, Katrín? Heilbrigðiskerfið eða menntakerfið? Því það eru jú langstærstu póstarnir.

Það þýðir ekki að segja bara sendiráð eða ráðuneyti, því að það eru smáaurar sem eru bara örlítið brotabrot af ríkisbúskapnum. Ef niðurskurður á að verða verulegur, er nauðsynlegt að skera niður velferðarkerfið.

Því væri gaman að heyra hvort að þú vilt loka skólum eða sjúkradeildum og þá hvaða, eða hvort þú vilt lækka tekjur lífeyrisþega?

[Ásgrímur Hartmannsson, 13.7.2010 kl. 22:47]

Vegna þess að strætó gengur ekki fyrir eldsneyti!

Strætó mun hækka.

Og í ofanálag skeður það sem Heimir hér fyrir ofan bendir á.

[Geiri (IP-tala skráð) 14.7.2010 kl. 00:34]

Þó að strætó gengur fyrir eldsneyti þá yrði gróðinn samt enginn enda hagkvæmari eyðsla þar heldur en með einkabílinn.

Það er ekki til land þar sem einkabíllinn er jafn mikilvægur og á Íslandi. Lítil þjóð á stóru landi með höfuðborgarsvæði sem er allt of dreift, sem gerir það að verkum að við munum aldrei hafa góðar almannasamgöngur eins og eru til erlendis. Byggðirnar eru hannaðar fyrir einkabílinn og því mikilvægt að allir hafi aðgang að honum, líka láglaunafólk. Það átti auðvitað að vera löngu búið að lækka álögur í góðærinu og það var brjálæði að hækka þær svo (hefði þó sýnt því skilning að það yrði beðið með lækkanir í nokkur ár). Bensínverð á Íslandi er brjálæði og ekkert annað.

[Sigurður Haraldsson, 14.7.2010 kl. 09:23]

Sælt veri fólkið ég kemst ekki til og frá vinnu með strætó þess vegna verð ég að flytja í þéttbýli eða fara af landi brott sem ég geri ekki vegna ykkar sem kallast ást á landi og þjóð.